गण्डकी प्रदेशस्तरीय क्रिकेटको उपाधिका लागि कास्की र स्याङ्जा भिड्ने

खेलकुद

Home
खेलकुद
गण्डकी प्रदेशस्तरीय क्रिकेटको उपाधिका लागि कास्की र स्याङ्जा भिड्ने

गण्डकी प्रदेशस्तरीय क्रिकेटको उपाधिका लागि कास्की र स्याङ्जा भिड्ने

गोर्खा मिडिया संवाददाता बुधबार, असार ५, २०८१

कास्की । पोखरामा जारी गण्डकी प्रदेशस्तरीय टी–२० पुरुष क्रिकेट प्रतियोगिताको उपाधिका लागि कास्की र स्याङ्जा कास्की भिड्ने भएका छन् ।

पोखरा रंगशालामा बुधबार नवलपुरलाई दुई विकेटले पराजित गर्दै स्याङ्जा फाइनलमा पुगेको छ । समूह चरणका तीनवटै खेल जितेको स्याङ्जाले समूह ‘बी’को शीर्ष स्थानमा रहेर कास्कीसँग उपाधि भिडन्त पक्का गरेको हो ।

टस जितेर पहिले ब्याटिङ रोजेको नवलपुरले १७ ओभरमा सीमित गरिएको खेलमा १५.४ ओभरमा सबै विकेट गुमाएर ७५ रन बनायो । ७६ रनको लक्ष्य पछ्याएको स्याङ्जाले १६.२ ओभरमा ८ विकेटको क्षतिमा ७९ रन बनाएको थियो ।

घरेलु टोली कास्की समूह ‘ए’को विजेता बन्दै यसअघि नै फाइनल पुगिसकेको छ । फाइनल खेल बिहीबार हुनेछ । गण्डकी प्रदेश खेलकुद परिषद्को आयोजना तथा प्रादेशिक क्रिकेट संघको व्यवस्थापनमा प्रतियोगिता सञ्चालन भएको हो । विजेताले एक लाख र उपविजेताले ५० हजार रुपैयाँ पाउनेछन् ।

८ जिल्लाको सहभागिता रहेको प्रतियोगिताबाट कर्णाली प्रदेशमा हुने १०औँ राष्ट्रिय खेलकुद प्रतियोगिताका लागि प्रारम्भिक टोली छनोट गरिने प्रादेशिक क्रिकेट संघका अध्यक्ष सञ्जयकान्त सिग्देलले जानकारी दिए ।

प्रकाशित मिति: बुधबार, असार ५, २०८१ १७:२९

प्रतिक्रिया दिनुहोस्