सातौं अल्डरसट भलिबल प्रतियोगिता ८ जुनमा, पुरुष र महिला विधामा प्रतिस्पर्धा

खेलकुद

Home
खेलकुद
सातौं अल्डरसट भलिबल प्रतियोगिता ८ जुनमा, पुरुष र महिला विधामा प्रतिस्पर्धा

सातौं अल्डरसट भलिबल प्रतियोगिता ८ जुनमा, पुरुष र महिला विधामा प्रतिस्पर्धा प्रतियोगिताको सम्पूर्ण तयारी पूरा भएको अध्यक्ष विकास विश्वकर्माको भनाइ

गोर्खा मिडिया संवाददाता बुधबार, जेठ २३, २०८१

लन्डन । सातौं अल्डरसट भलिबल प्रतियोगिता यही ८ जुनमा हुने भएको छ ।

अल्डरसट भलिबल क्लबको आयोजनामा वेस्ले खेल मैदानमा पुरुष र महिला विधामा भलिबल हुन लागेको हो । खेल स्थानीय समयअनुसार बिहान ८ बजे सुरु हुनेछ ।

प्रतियोगिताको सम्पूर्ण तयारी पूरा भएको अल्डरसट भलिबल क्लब अध्यक्ष विकास विश्वकर्माको भनाइ

पुरुष विधाका प्रथमले १६ सयपाउन्ड, दोस्रोले ११ सय पाउन्ड नगद, प्रमाणपत्र, मेडल ट्रफी पुरस्कार पाउने छन् । सोही विधातर्फ उत्कृष्ट खेलाडी, उत्कृष्ट स्पाइकर, उत्कृष्ट सटर, डिफेन्डर, ब्लकले समेत पुरस्कार पाउने आयोजकले जनाएको छ ।

यस्तै महिला विधामा प्रथम पुरस्कार ९ सय पाउन्ड, दोस्रो पुरस्कार ५ सय पाउन्ड रहेको छ । विजेता र उपविजेताले प्रमाणपत्र, मेडल ट्रफी पुरस्कारसमेत पाउने छन् । महिलातर्फ उत्कृष्ट खेलाडी, उत्कृष्ट स्पाइकर र उत्कृष्ट सटरले मात्र पुरस्कार पाउने छन् ।

प्रतियोगिताको अवसरमा नेपाल बागलुङ समाज नौमती बाजाको विशेष सांगीतिक प्रस्तुति रहने छ ।

खाद्य पदार्थ र पिय पदार्थका स्टलहरु समेत उपलब्ध गराइने आयोजकले जनाउको छ ।

प्रकाशित मिति: बुधबार, जेठ २३, २०८१ ११:३७

प्रतिक्रिया दिनुहोस्