काठमाडौँ। इंग्ल्यान्डको ‘सी’ टिमसँग हुने मैत्रीपूर्ण फुटबलका लागि नेपालको प्रारम्भिक राष्ट्रिय टोलीको घोषणा भएको छ ।
मुख्य प्रशिक्षक भिन्सेन्जो अल्बर्टो एनिसले आइतबार २८ सदस्यीय प्रारम्भिक टोली घोषणा गरेका हुन् । नेपालले आउँदो मे महिनामा इंग्ल्यान्डमै मैत्रीपूर्ण फुटबल खेल्नेछ।
नेपाली राष्ट्रिय टोलीले इंग्ल्यान्ड ‘सी’ सँग पहिलो पटक खेल्न लागेको हो। बेलायतको अल्डरसट टाउन एफसीले आफ्नै स्टेडियम इबीबीमा मे ६ मा दुई टोलीबीच मैत्रीपूर्ण फुटबल गराउने छ ।
नेपालसँग प्रतिस्पर्धा गर्न लागेको इंग्ल्यान्ड ‘सी’ ले इंग्ल्यान्डको प्रतिनिधित्व गर्दै विभिन्न मुलुकसँग मैत्रीपूर्ण खेल खेल्दै आएको छ ।
नेपालको प्रारम्भिक टोलीको गोलकिपरमा अभिषेक बराल, विशाल सुनार, किरण चेम्जोङ, सन्तोष महत रहेका छन्।
डिफेन्डरमा अभिषेक लिम्बु, अनन्त तामाङ, विमल पाण्डे, विशाल बस्नेत, छिरिङ लामा, रोहित चन्द, सनिश श्रेष्ठ, सौभाग्य राई, अजय चौधरी र योगेश गुरुङ रहेका छन् ।
यसैगरी, मिडफिल्डर भरत खवास, लकेन लिम्बु, मणिकुमार लामा, मनिष डाँगी, उत्सव राई, फत्तेमान घले र रोहन कार्की तथा फरवार्ड अन्जन विष्ट, दिनेश हेन्जन, जिलेस्पिजङ कार्की, हिशुब थपलिया, समीर तामाङ, सञ्जीव विष्ट र राजेश परियार रहेका छन् ।
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
