काठमाडौँ– नेदरल्यान्ड्सले त्रिकोणात्मक टी२० शृंखला जितेको छ।
मंगलबार भएको फाइनल खेलमा नेपाललाई ४ विकेटले पराजित गर्दै नेदरल्यान्ड्सले शृंखला आफ्नो पोल्टोमा पारेको हो। नेपालले दिएको १८५ रनको लक्ष्य नेदरल्यान्ड्सले ६ विकेटको क्षतिमा १९।३ ओभरमा पूरा गर्यो।
नेदरल्यान्ड्सका लागि माइकल लेविटले सर्वाधिक ५४ रन बनाए। उनले २९ बलमा ६ चौका र ३ छक्का प्रहार गरे।
त्यस्तै, साइब्रान्ड एंगेलब्रेक्टले ४८, विक्रमजीत सिंहले २९ र म्याक्स ओुडाडले २२ र टिम वान डेर गुग्टेन २१ रन जोडे।
नेपालका लागि कुशल मल्लले ४ विकेट लिए। अविनाश बोहरा र दीपेन्द्रसिंह ऐरीका नाममा १/१ विकेट रह्यो।
त्यसअघि त्रिवि क्रिकेट मैदानमा टस जितेर पहिला ब्याटिङ गरेको नेपालले निर्धारित २० ओभरमा ८ विकेट गुमाउँदै १८४ रन बनाएको थियो।
नेपालका लागि ओपनर आसिफ शेखले सर्वाधिक ४७ रन बनाए। उनले ३७ बलमा १ चौका र ३ छक्का प्रहार गरे। गुलशन झाले २५ बलमा ३ छक्कासहित ३४ रन जोडे।
कुशल मल्ल ११ बलमा ३ छक्कासहित २६ रन जोड्दै आउट भए। कुशल भुर्तेलले १० बलमा १ चौका र २ छक्कासहित २० रन बनाए। कप्तान रोहित पौडेलले १९ बलमा ३ चौका र १ छक्कासहित २५ रन बनाए।
नेदरल्यान्ड्सका फर्द क्लासेन, टिम भान डर गुगटेन, माइकल लेभिट र स्याब्रान्ड एंगेलब्रेक्टको नाममा समान २/२ विकेट रह्यो।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
