पोखरा । मदन भण्डारी स्पोर्टस् एकेडेमीको आयोजनामा पोखरा रंगशालामा बिहीबारदेखि प्रथम केपी ओली कप राष्ट्रिय टि–२० क्रिकेट प्रतियोगिता सुरु भएको छ ।
पोखराबाट पहिलो पल्ट सुरु केपी ओली कप राष्ट्रिय क्रिकेट प्रतियोगिताको एकेडेमी संरक्षक नेकपा (एमाले) अध्यक्ष एवं पूर्व प्रधानमन्त्री केपी शर्मा ओलीले ब्याटिङ गरेर उद्घाटन गरे । पूर्व उपप्रधानमन्त्री एवं पार्टी उपाध्यक्ष विष्णुप्रसाद पौडेलले बलिङ गरेका थिए ।
प्रतियोगिता उद्घाटन अवसरमा एकेडेमी परिकल्पनाकारसमेत रहेको नेता ओलीले पोखराको क्रिकेट मैदानलाई स्तरोन्नति गर्ने बताए । उनले आफू प्रधानमन्त्री भएको बेला सरकारले देशभर खेल मैदान निर्माणमा जोड दिएको दाबी गरे ।
कार्यक्रममा पूर्व उपप्रधानमन्त्री विष्णुप्रसाद पौडेल, राष्ट्रिय खेलकुद परिषद् बोर्ड सदस्य एवं मदन भण्डारी स्पोर्टस् एकेडेमीका राजेशकुमार गुरुङ, एकेडेमी अध्यक्ष ध्रुव आचार्य लगायत बोलेका थिए ।
ओलीलाई पोखरा रंगशालामा पञ्चेबाजा र नाचगानसहित भव्य स्वागत गरिएको थियो ।
प्रतियोगितामा ३ विभागीय टोली नेपाली सेनाको त्रिभुवन आर्मी क्लब, सशस्त्र प्रहरी बलको एपिएफ क्लब, नेपाल प्रहरी क्लबसहित कोशी, बागमती, मधेश, गण्डकी, लुम्बिनी, कर्णाली र सुदूरपश्चिमको टिमले भाग लिएका छन् । साथै, युवा खेलाडी उत्पादनका लागि एकेडेमीले आफ्ना २ टिमलाई समेत मैदान उतारेको छ ।
विजेताले ५ लाख नगद, सिल्ड, मेडल र प्रमाणपत्र प्राप्त गर्नेछ । उपविजेताले २ लाख ५० हजार नगद, सिल्ड, मेडल र प्रमाणपत्र प्राप्त गर्नेछन् ।
आगामी मंसिर १५ सम्म चल्नेछ । उद्घाटन खेल बागमती प्रदेश र आयोजक मदन भण्डारी स्पोर्टस् एकेडेमी रातोबीच भयो ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
