क्रिकेटमा नेपाललाई टि–२० विश्वकपको अवसर, सेमीमा युएईसँग भेट

खेलकुद

Home
खेलकुद
क्रिकेटमा नेपाललाई टि–२० विश्वकपको अवसर, सेमीमा युएईसँग भेट

क्रिकेटमा नेपाललाई टि–२० विश्वकपको अवसर, सेमीमा युएईसँग भेट

गोर्खा मिडिया संवाददाता बिहीबार, कात्तिक १६, २०८०

काठमाडौं । आइसिसी टि–२० विश्वकप एशिया क्षेत्रको फाइनल छनोटअन्तर्गत नेपाल बिहीबार ओमानसँग पराजित भएको छ । नेपालले अब सेमिफाइनलमा शुक्रबार समूह बी को विजेता युएईसँग प्रतिस्पर्धा गर्ने पक्का भएको छ ।

कीर्तिपुरस्थित त्रिभुवन विश्वविद्यालयको क्रिकेट मैदानमा भएको खेलमा नेपाल ओमानसँगको सनसनीपूर्ण खेलमा मात्र ५ रनले पराजित भएको हो । ओमान समूह ए को विजेता तथा नेपाल उपविजेतामा सीमित भयो ।

ओमानले दिएको १४६ रनको चुनौती पछ्याएको नेपाल निर्धारित २० ओभरमा ९ विकेट गुमाउँदै १४० रनमा समेटियो । नेपालका विवेक यादवले २४ बलमा ५ छक्कासहित सर्वाधिक ३९ रन बनाए । त्यस्तै कुशल भुर्तेलले २६ रन बनाए भने करण केसीले १५ रन जोडे । नेपालले सुरुआतदेखि नै लगातार विकेट गुमाएको थियो । आसिफ शेखले ५ रन जोड्दै आउट भए भने सोमपाल कामी, कप्तान रोहितकुमार पौडेल र सन्दीप जोराले समान १२÷१२ रन जोड्दै आउट भए । त्यस्तै गुलशन झाले ३ रन जोडे ।

ओमानका विलाल खानले ३ किकेट झारे भने अकिब इलयास, सकिल अहमद र मेहरान खानले समान २÷२ विकेट लिए । त्यस्तै कप्तान जिशान मकसुदले १ विकेट लिए ।

त्यसअघि ओमानले निर्धारित २० ओभरमा ९ विकेट गुमाउँदै १४५ रनको योगफल बनाएको थियो । टस हारेर पहिले ब्याटिङ गरेको ओमानका लागि जिशान मकसुदले २६ बलमा १ चौका र ३ छक्कासहित ३२ रनको योगदान दिए । नेपालका लागि करण केसीले ३ विकेट लिए भने सोमपाल कामी र सन्दीप लामिछानेले समान २÷१ विकेट लिए । त्यस्तै गुलशन झा र अभिनाश बोहोराले समान १÷१ विकेट लिए ।

जे भए पनि नेपालले युएईसँग बदला लिँदै अर्को वर्ष वेस्ट इन्डिज र अमेरिकामा हुने ट्वान्टी–२० विश्वकपमा छनोट हुने अवसर पाएको छ । शुक्रबारको प्रतिस्पर्धामा नेपालको लक्ष्य अर्को वर्ष हुने ट्वान्टी–२० विश्वकपमा हुनेछ ।

प्रकाशित मिति: बिहीबार, कात्तिक १६, २०८० २१:१६

प्रतिक्रिया दिनुहोस्