नेपाल टी–२० विश्वकप छनोटमा सेमिफाइनल पुग्न सफल

खेलकुद

Home
खेलकुद
नेपाल टी–२० विश्वकप छनोटमा सेमिफाइनल पुग्न सफल

नेपाल टी–२० विश्वकप छनोटमा सेमिफाइनल पुग्न सफल

गोर्खा मिडिया संवाददाता मंगलबार, कात्तिक १४, २०८०

काठमाडौं । नेपाल टी–२० विश्वकप छनोट खेलमा सेमिफाइनल पुग्न सफल भएको छ । मंगलबारको खेलमा मलेसियालाई ६ विकेटले पराजित गर्दै नेपाल ऐतिहासिक अन्तिम चौंथो स्थानमा पुग्न सफल भएको हो ।

टस जितेर पहिले ब्याटिङ गरेको मलेसियाले दिएको १६६ रनको लक्ष्य नेपालले १८ ओभर खेल्दै चार विकेटको क्षतिमा भेटाउन सफल भएको हो । नेपालको जीतमा कुशल मल्ल र कुशल भुर्तेलले आक्रामक ब्याटिङ गरे । कुशल मल्लले कुल ३४ बलमा ७ छक्का र २ चौकासहित ६५ रन बनाउँदा ओपनर कुशल भुर्तेलले ४३ रन जोडे । उनले २५ बलमा ४ छक्का र ४ चौकासहित ४३ रन बनाउन सफल भएका हुन् । साथै अविनाश बोहराले ४ विकेट लिए ।

मलेसियाले ९ विकेट गुमाएर १६५ रन बनाउँदा सइद अजिजले अर्धशतक पूरा गरेका थिए । उनले सर्वाधिक ६८ रन बनाउन सफल भए ।