पोखरा । नेपाली सेनाका गजेन्द्र राई ११ औं लिगलिगे दौड प्रतियोगिता–२०८० मा च्याम्पियन बनेका छन्।
गोरखाको पालुङटारमा बुधवार आयोजित दौड प्रतियोगितामा उनले चेपेघाटदेखि लिगलिगकोटसम्म निर्धारित १३ दशमलब ८ किलोमिटर दुरी ५६ मिनेट ३६ सेकेन्डमा पार गर्दै यस वर्षको लिगलिगे राजासमेत घोषित भए । गजेन्द्र नेपालको पूर्वी जिल्ला खोटाङका हुन्।
यस्तै, नेपाली सेनाकै नरेन्द्रसिंह रावत दोस्रो भए । उनले निर्धारित दुरी ५६ मिनेट ५३ सेकेन्डमा पार गरेका हुन् ।
यसअघिका विजेता भारतीय सेनामा कार्यरत अनीष थापामगर यसपालि तेस्रो बने । उनले निर्धारित दुरी ५८ मिनेट ३५ सेकेन्डमा पूरा गरेर तेस्रोमा सीमित भए ।
चेपेघाटबाट सुरु भएको दौड प्रतियोगिता ढिंकीडाँडा, ठाँटीपोखरी, पानी ट्यांकी, छापथोक, बडडाँडा, बोहोरागाउँ, सभा चौतारो, मैबल, दर्बेपानी, बिजुलीडाँडा, खोली चौतारोदेखि लिगलिगकोट गढीसम्म पुगेर टुंगिएको थियो ।
उपाधि विजेता राईले १ लाखसहित मेडल र प्रमाणपत्र प्राप्त गरे । दोस्रो भएका रावतले ५० हजार र तेस्रो भएका थापामगरले २५ हजारसहित मेडल र प्रमाणपत्र प्राप्त गरे । कार्यक्रममा म्याराथन धावक वैकुण्ठ मानन्धरलाई सम्मान गरिएको थियो । विजेतालाई गण्डकी प्रदेशका मुख्यमन्त्री सुरेन्द्रराज पाण्डेले पुरस्कार वितरण गरे।
आयोजक लिगलिगकोट विकास अभियान अध्यक्ष सञ्जीव रानाले लिगलिगमा आन्तरिक तथा बाह्य पर्यटकलाई लिगलिगकोट भित्र्याउन प्रतियोगिताले टेवा पुगेको बताए । नेपाल एकीकरणअघिका बाइसे चौबिसे राज्यमध्ये एक लिगलिग कोटमा दौडेर पहिलो हुने व्यक्ति राजा हुने परम्परा रहेको थियो ।
-1732095969.jpg)
![पाँच नेपाली युवाको लगानीमा बेलायतमा भीपी स्टोर सञ्चालनमा [भिडियोसहित]](https://gurkhamedia.com/uploads/posts/Messenger_creation_4DD3141E-54DA-464A-9F31-4577973ABA16-1731687830.jpeg)
-1731591869.jpg)
