क्विन्स गोर्खा सिग्नललाई पिपल नेपाल कप क्रिकेट प्रतियोगिताको उपाधि

खेलकुद

Home
खेलकुद
क्विन्स गोर्खा सिग्नललाई पिपल नेपाल कप क्रिकेट प्रतियोगिताको उपाधि

क्विन्स गोर्खा सिग्नललाई पिपल नेपाल कप क्रिकेट प्रतियोगिताको उपाधि

गोर्खा मिडिया संवाददाता बुधबार, असार २०, २०८०

लन्डन । पोखरेली मञ्च युकेद्वारा आयोजित छैटौं पिपल नेपाल कप टि–२० क्रिकेट प्रतियोगिताको उपाधि क्विन्स गोर्खा सिग्नल क्रिकेट टीमले जितेको छ ।

फाइनलमा हिमालयन क्रिकेट टीमलाई ३ रनले हराउँदै उपाधिसहित १५ सय पाउण्ड साथमा रनिङ शिल्ड जित्न सफल भएको हो । उपविजेताले ७ सय पाउण्ड प्राप्त गरेको छ ।

प्रतियोगितामा क्वीन्स, हिमालयन सहित नयाँ यूवा क्रिकेट क्लब, नेप्लिज ओरियर क्रिकेट क्लब, खुकुरी क्रिकेट क्लब र रमाइलो क्रिकेट क्लबले भाग लिएका थिए ।

संस्थाका अध्यक्ष करम गुरुङले नेपाली युवालाई खेलकुदमा आकर्षण गराउन ६ वर्षदेखि निरन्तर प्रतियोगिता गर्दै आएको बताए । प्रतियोगितामा पीपल मरगेज मुख्य स्पोन्सर थियो । खेलको उद्घाटन नेपाली राजदुतावासका द्वितीय सचिव रामबाबु नेपाल र एनआरएन युकेका अध्यक्ष प्रेम गाहामगरले संयुक्त रुपमा गरेका थिए ।

c (11)1688554904.jpg

वेष्ट प्लेयर मनोज गुरुङ हिमालयन क्रिकेट नगद १ सय ५० पाउण्डका साथमा ट्रफी र वेष्ट बलर विकास गुरुङ हिमालयन क्रिकेट क्लव तथा वेष्ट ब्याट्स्म्यान सचिन शर्मा नवयुवा क्रिकेट क्लब जनही १ सय २० पाउण्डका साथमा ट्रफी दिने व्यवस्था मिलाइएको थियो । हरेक खेलमा म्यान अफ दि म्याच ट्रफी पनि प्रदान गरिएको थियो ।

पिपल नेपाल मोर्गेजका डाइरेक्टर सूर्य गुरुङको मुख्य प्रायोजन तथा ग्रेटर रेडिङ नेप्लिज क्म्युनिटी एसोसियसनको सहयोगमा भएको प्रतियोगिताको संयोजकमा मञ्चका उपाध्यक्ष पवित्र गुरुङ रहेका थिए । टिम संयोजकमा विनय पुन, प्रकाश गुरुङ र भीम महेन्द्र गुरुङ रहेका थिए ।

विजेतालाई रेडिङ बोरो काउन्सिलका मेयर टोनी पेजले गोल्ड मेडल दिएर पुरष्कृत गरे । पोखरेली मञ्च युकेका संस्थापक अध्यक्ष क्या सीबी पुन, प्रमुख सललाहकार एवं पूर्व अध्यक्ष मानप्रसाद गुरुङ, एनआरएन युके अध्यक्ष सुनिलबाबु खड्काले प्रथम पुरस्कार १५ सय पाउण्डको चेक हस्तान्तरण गरे ।

उपविजेता हिमालयन क्रिकेट टीमलाई पोखरेली मञ्च सल्लाहकार एवं याक एण्ड यतीका संचालक शेरा गुरुङले सिल्भर मेडलले सम्मान गरे भने नगद ७ सय पाउण्ड पिपल मरगेजका डाइरेक्टर सूर्य गुरुङले हस्तान्तरण गरे ।
प्रतियोगिता अवसरमा नेपाली खाना, बिबिक्यु र राफल ड्र समेत भएको थियो । कार्यक्रम जीवन गुरुङले संचालन गरेका थिए ।

c (10)1688554943.jpg