पाँचथर थर्पू समाज यूकेको वार्षिक भेटघाट तथा सम्मान कार्यक्रम सम्पन्न

कर्मभूमि बेलायत

Home
कर्मभूमि बेलायत
पाँचथर थर्पू समाज यूकेको वार्षिक भेटघाट तथा सम्मान कार्यक्रम सम्पन्न

पाँचथर थर्पू समाज यूकेको वार्षिक भेटघाट तथा सम्मान कार्यक्रम सम्पन्न

गोर्खा मिडिया संवाददाता शनिबार, भदौ ४, २०७९

लन्डन । पाँचथर थर्पू समाज यूकेको नवौं वार्षिक भेटघाट तथा सम्मान कार्यक्रम सम्पन्न भएको छ। गत आइतबार १४ अगस्टको दिन अल्डरसटको एम्पायर हलमा भएको कार्यक्रममा अतिथिहरुसहित झण्डै ६० जनाको उपस्थिति रह्यो ।

समाजका अध्यक्ष खुशी लिम्बूले अध्यक्षता र सचिव योगेन्द्र विक्रम तावाले सञ्चालन गरेको कार्यक्रममा पाँचथर समाजसेवा यूकेका पूर्व साँस्कृतिक सचिव महेश्वरी नेम्बाङको विशेष उपस्थिति रह्यो । त्यस्तै, किरात याक्थुङ चुम्लुङ यूकेका उपाध्यक्ष शान्त हुक्पाचोङबाङ, कोषाध्यक्ष दीपेन्द्र यक्सो, पूर्व बरिष्ठ उपाध्यक्ष नगेन्द्र विक्रम नेम्बाङ, पूर्व महासचिव विजय विक्रम लिङदेन लगायतका अथितिहरु पनि उपस्थित थिए ।

वार्षिक भेटघाट तथा सम्मान कार्यक्रममा समाजका पूर्व अध्यक्षद्वय चन्द्रबहादुर सुन्दास र तिलबिक्रम तावा, साथै समाजका सल्लाहकारहरु मनकुमार काम्बाङ, मोहन माबो, ठालुमान माबो, आइतहाङ माबो र लिला सेलिङ माबो लगायत समाजका बरिष्ठ सदस्यहरु उपस्थित थिए ।कार्यक्रममा समाजका अध्यक्ष र विशेष अतिथिले पानसमा दीप प्रज्वलन गरेर नवौं बार्षिक भेटघाट तथा सम्मान कार्यक्रमको उद्घाटन गरे । त्यसपछि नेपाल र ब्रिटेनको राष्ट्रिय गीत बजाएर औपचारिक कार्यक्रमलाई अघि बढाइयो ।

औपचारिक कार्यक्रमको प्रारम्भमा कार्यसमिति सदस्य श्रीमती नन्द सुन्दासकी ममतामयी आमा हर्कमाया रनपहेली हालै दिवंगत भएकोमा साथै कोभिड र विभिन्न कारणले विगत तीन बर्षमा दिवंगत भएका समाजका सदस्यहरुका आफन्त र नातागोताहरुको सम्झनामा एक मिनेट मौन धारण गरियो ।

प्रकाशित मिति: शनिबार, भदौ ४, २०७९ १३:४४

प्रतिक्रिया दिनुहोस्