लन्डन म्याराथन दौडेर भूपू गोर्खा कुश गुरुङले मनाए जन्मोत्सव

खेलकुद

Home
खेलकुद
लन्डन म्याराथन दौडेर भूपू गोर्खा कुश गुरुङले मनाए जन्मोत्सव

लन्डन म्याराथन दौडेर भूपू गोर्खा कुश गुरुङले मनाए जन्मोत्सव

लन्डन २ अक्टोबर २०२२ । बेलायतको राजधानी लन्डनमा ४० हजार जना सहभागी भएको 'लन्डन म्याराथन २०२२' सम्पन्न भयो । संसारभरिकै धावकहरु र च्यारिटीका लागि अधिकरुपमा सहभागी रहने दौडमा बेलायतवासी नेपालीहरुले पनि प्रत्येक वर्ष भाग लिँदै आएका छन् ।

भूपू ब्रिटिस गोर्खा कुशबहादुर गुरुङले ६० वर्षको जन्मोत्सव लन्डन म्याराथन दौडेर मनाएका छन् । गुरुङका ससुरा भूपूमाननीय स्व. नन्दजंग गुरुङको केही वर्ष पहिले बेलायतमा क्यान्सर रोगबाट मृत्यु भएको थियो । ससुराको उपचारका क्रममा म्याक्मिलन क्यान्सर सपोर्टले गरेको सहयोग देखेर कुनै दिन च्याराटी गरेर उक्त समूहलाई सहयोग गर्ने प्रण गरेको गुरुङले बताए ।

लन्डन म्याराथन पनि उक्त ग्रुपकै नाममा रकम संकलन गरेर कुदेका थिए । हालसम्म २ हजार ७ सय पाउन्ड उठिसकेको र ३ हजार पाउन्ड पुर्‍याएर म्याक्मिलन क्यान्सर सपोर्टलाई दिने गुरुङले बताए । ४२ किलो मिटरको दौड ४ घन्टामा पूरा गरेका थिए उनले । दौड सकिएको ठाउँ नजिकै सेन जेम्स पार्कमा आफन्तजन जम्मा भएर जन्म दिन मनाउँदै गर्दा कुश गुरुङका श्रीमती योगा गुरुङले "सलाम छ परिश्रमी श्रीमान् तिमीलाई" कविता वाचन गर्दै बधाई दिएकी थिइन् ।

अर्को धावक भूपू ब्रिटिश गोर्खा सुर्जे गुरुङले तमु पहिरनमै लन्डन म्याराथन कुदेका थिए । संसारले भाग लिने र देख्ने बृहत् दौडमा तमुहरूको पोसाकमा देखिनु नेपालीहरुकै लागि गौरव मान्न सकिन्छ । त्यस्तै भूपू गोर्खाका छोरी सालिनी तामाङले पनि पहिलो पटक दौड पूरा गरेकी छन् । गोर्खा वेलफेयर ट्रष्टका लागि च्यारिटीमा २ हजार २ सय पाउन्ड संकलन भएको उनीका पिता कृष्ण तामाङले जानकारी दिए ।

धेरैनै नेपालीहरुले दौडमा भाग लिएका थिए । पुरुषतर्फ केनियाका धावक एमोस किपरुटोले २:४:३९ सेकेन्डमा पूरा गरेर प्रथम भए । महिलातर्फ ईथोपियाका ऐलेनजेर्फ ऐहुवाल २:१७:२५ सेकेन्डमा पहिलो पटक लन्डन म्याराथन जितिन् । महिलाहरुको ९ बजे र पुरुषहरुको १० बजे दौड सुरु भएको थियो । ३६ वर्षीया पुरुष दौडमा ढलेर मृत्यु भएको जानकारी ब्रिटिस मिडियाले दिएको छ ।

प्रकाशित मिति: बिहीबार, असोज २०, २०७९ २१:०२

प्रतिक्रिया दिनुहोस्