रोल्पामा बस दुर्घटना, ४ जनाको मृत्यु, डेढ दर्जन बढी घाइते

गोर्खा मिडिया संवाददाता
  •  
  •  
  •  

रोल्पा नोभेम्बर १८ । रोल्पामा बस दुर्घटना हुँदा चार जनाको मृत्यु भएको छ भने १७ जना घाइते भएका छन् ।

दाङको घोराहीबाट थवाङ आउँदै गरेको ना३ख ५५१८ नम्बरको बस बिहीबार बेलुकी माडी गाउँपालिका–४ तार्केबाङ शहीद मार्गमा दुर्घटनामा परेको जिल्ला प्रहरी कार्यालय रोल्पाका प्रमुख प्रहरी नायब उपरीक्षक नरेशराज सुवेदीले जानकारी दिनुभयो ।

बस सडकबाट २०० मिटर तल खोलामा खसेको थियो । मृतकको पहिचान भई नसकेको उपरीक्षक सुवेदीले बताउनुभयो । जलजलामा पूजा गर्न बस रिजर्भ गरेर आएका यात्रु दुर्घटनामा परेको माडी गाउँपालिकाका अध्यक्ष नन्दबहादुर पुनले जानकारी दिनुभयो ।